噢！我榮升做亞姨 - 係波姨姨！

亞波生日快樂！

波波︰

我地衷心祝你 -- 年年25歲(實質係幾多呢？)，青春無敵。樂樂話會送支奶奶給你，好好味o架，試o下啦！！

全家人賀

註︰大家估下邊張相係2001年o既波波，邊張係2007？

中秋波波份外靚

中秋波，螢光波，仲有亞婆笑呵呵！

準爺爺嫲嫲、公公婆婆

如來「爸爸唔易做」，那麼爺爺嫲嫲、公公婆婆又如何？相信大家一眼就看出誰人是爺爺、嫲嫲、公公、婆婆！係一個餅印嚟o架！

樂樂還有十周才誕生，四位仁兄已經為孫女張羅，嬰兒寢具呀、坐月食療呀…準嫲嫲還說要事先溫習溫習…四位仁兄，你哋一定係好稱職o既爺爺嫲嫲、公公婆婆！我哋作為準父母，都唔知掂報答你哋…樂樂一定好幸福！

爸爸唔易做

雖然我沒有跟家姐去嬰兒用品展，但只要看看姐夫肩上的收獲，不難想像當日的空前盛況！我個人就好appreciate (欣賞) 準爸爸的付出，瞧！他是汗流夾背、雙肩發酸，但眼裏卻滿載熱誠 – 一副愛妻愛B相呢！難怪家姐和樂樂BB都話 「我哋錫晒你！」



樂樂現在重兩磅半，經常郁動，家姐和姐夫最喜愛唱<耶穌愛我>給她聽。

上星期五掛八號風球，家姐教樂樂為爸爸平安回家祈禱。懷孕27周，家姐終於剪了短髮，咁我係咪都要整個新look迎接樂樂呢？

17/6/2007父親節記趣

父親節的勢頭一點不比母親節弱！昨日大清早老頭整裝待發，從大埔趕出來，參加父親節崇拜，率先收到父親節小禮物 ~ 實用筷子一雙。隨後，大伙兒往都會廣場開餐，三位父親、三個家庭合共15人狂風掃落葉似的，什麽义燒包、雞扎、醎肉糉…連芒果布丁都吃盡了！
精彩節日源源不絶，一家人陪阿妹去物色靚狗，最引人發笑的是各位旁觀者對那頭白色史納沙愛不釋手，當妹夫都說落訂之際，阿妹表示 – 考慮下先。阿媽對史納沙情有獨鍾，她說若果不是湊孫，會買下這頭小白了。媽媽愛孫兒之發燒程度，可見一斑！阿妹，當你看此網誌時，是否仍對金毛念念不忘？抑或你可以移情別戀，作小白的主人？還記得一眾'經記'的金石良言嗎 – 再唔落訂就被人買咗架啦！
晚上，是父親節的最後節目，一家人在Pizza Hut暢談旅行的樂事，泰國潛水、獅子拍照、濟洲吃墨魚…爸爸，你滿意今日的節目嗎？
(爺爺雖然未能慶祝今年的父親節，但相信他看見兒孫享受天倫之樂時，在天上也會笑了。)

母親節快樂

母親節一家人去了吃西班牙餐, 我都嚷著要去, 不過媽媽話D野唔合我口味, 所以只係有得睇, 無得食.

全家福	精選禮物
為食豬食乳豬	鹽焗鱸魚
墨汁墨魚	我最鍾意食呢味
西班牙大蝦焗飯	芝士西蘭花卷
甜品唔少得	食野唔抺咀

愛你‧黃媽媽

靚媽生靚囡，所以我生得

天生麗質 –
金黃卷曲兼柔軟的

毛毛在兩頰、
濃密且順滑的

’獅子’毛在胸前、
還有一大束松鼠尾巴

和一張笑臉迎人的嘴巴…

全賴黃媽媽多年悉心照料，

令我保持魅力四射！就連

兩歲的松鼠弟弟也對我

窮追不捨呢！踏入5月份，

我祝媽媽「母親節快樂！在這節日

希望你可以全心休息，放下平日

那些十分辛勞的工作︰
- 替我洗白白、吹毛毛︰令你腰背酸痛；
- 捧我去睇醫生︰令你腎上線素上升；
- 蒸田雞雞︰買餸和煮飯使你汗流夾背；

祝你有一個愉快的母親節，一家大細共聚天倫，吃一頓美味的西班牙餐！」

給哥哥

大家都知，我黃波波在家中排行最小，我有兩個姊姊和一個哥哥。 2007年的今日，好想公開向我親愛的哥哥Vince預祝 –

牛一快樂樂無憂！
良朋美食是豐收。

生辰過後告別走，
皆因團圓盼望久！

港式奶茶、魚蛋候，
家人、情人樣樣有！

邁步向前不用愁，
發展機會在你手！
哥哥、哥哥，請加油！




愛你的小狗、爸爸、媽媽、大姊、組夫、細妹、妹夫上

擔天望地的日子

擔天望地的日子終於告一段落了！事緣我爸爸的爸爸因病入院，爸爸忙於照顧老人家，而我，熟我的人都明白，見不到爸爸令我情緒低落，坐立不安，那時我想︰「最衰我唔係金毛尋回犬，如果係，我就可以做醫生狗，走入醫院搵爸爸！」

聽說爺爺已90歲，身體時有不適，但他很懂得照顧自己，遇上病痛一定識得「病向淺中醫」，由上周五入院至今天，他很辛苦，郤能忍耐，如今已漸漸恢復精神。昨日傾計時他說︰「…自己麻煩令大家頻頻撲撲…唔好意思…」，其實，家人互相照顧是一件美事，試想爺爺年青時為家庭東奔西跑，又接孫兒放學吃飯…如今是兒孫報恩的時侯了！慶幸這幾天是假期，大家可以多點時間去探望他。

讓我們珍惜眼前人，不用遺憾！

回味無窮

昨天當我去完第三次街街之後，屋企人便外出，為二家姐’飛比’慶祝生日！他們去吃板x壽司呢！聽講他們吃得極痛快 – 生元貝壽司、活赤貝壽司、海膽壽司、象拔蚌壽司、章紅魚壽司…當然少不了火炙三文魚壽司啦！原來爸爸媽媽好識貨，連海膽壽司也喜歡！除了壽司，對於炸軟殼蟹、炸三文魚腩，他們通通都吃得津津有味。由於這一餐太美妙了，不消一小時，一行六人便捧腹離場了。我都想試下壽司…(他們吃的壽司正過附圖那些！)

葛、葛、葛

經過年三十晚、年初一、…日日去街街幾次，年初二仲睇埋煙花，都咪話唔攰，襯爸爸、拉姨返咗工，實行大被冚過頭(同媽媽一樣)，瞓得’冧’時發出「葛、葛、葛」，我諗唔會嘈到人哋掛。
唔佑點解，以前睇煙花，一聽到爆炸聲，心臟好似停咗咁，好鬼驚~ 但今年睇得好enjoy，莫非我聾咗？

年三十

心血來潮，今日成日掛住去街街，一共出咗去三次！周街都人頭湧湧，認真有過年氣氛。

今日係農曆年三十，同大家拜個年先︰

祝福大家金豬年笑口常開、一家和氣、健康精靈，仲有要青春常駐(我自己都要！)

新年好！

Hi hi！各位好！新年好！因為剛剛睡醒，所以'牛牛哋'，不要見怪 : p
今日都農曆年十七啦，你哋辦年貨未呀？我？我諗…新年會有件新衫著囉，爸爸媽媽咁錫我，一定為我悉心準備o既！而我的新年願望…'食骨骨'？唔係！去沙灘？去過啦！識隻靚松鼠仔？噢~~無興趣！我諗到嘞…就係…想逗阿哥封利是﹗講真o架﹗祝
2007心想事成！Yeah！

花墟嘉年華遊記之波波與童軍

今日下午，原本有得去嘉年華，去到花墟門口，個童軍居然話唔俾我入，很失望，成日都無晒心機，垂頭喪氣。

自我介紹

我叫黃波波，今年13歲，有兩個家姐同一個阿哥。我依家同阿爸阿媽一齊住，仲有拉姨。